Brandsstaðir, gistihús í Blöndudal

Slakaðu á hjá okkur í Blöndudalnum. Hver íbúð/herbergi er með baðherbergi og sturtu og hérna í austanverðum Blöndudal er yfirleitt mjög friðsælt. Lítið eldhúshorn er í íbúðunum, hver um sig er 17 m2. Í eldhúshorninu finnið þið eldavélarhellu, kaffivél, hitakönnu, örbylgjuofn, diska, glös, könnur, hnífapör og önnur eldhúsáhöld. Við gestahúsið eru frí bílastæði og internetið er innifalið í leigunni. Vatnið er afskaplega gott. Veðursældin er mikil hér að öllu jöfnu og jökuláin Blanda rennur við túnfótinn. Þetta er tilvalinn gististaður fyrir ferðafólk sem ferðast yfir Kjöl og um Húnabyggð og Skagafjörð, - líka fyrir þau sem vilja bara slaka á og njóta þess að vera úti á landi.

Brandsstaðir er staðsett í sólríkum dal og héðan er stutt til margra spennandi staða og sundlaugar eru í nágrenninu, á Blönduósi, í Varmahlíð og á Húnavöllum. Kjalvegur er hinumegin í dalnum og ef þið eruð að ferðast til Hveravalla eða Kerlingarfjalla eða bara farið í hringferð um heiðarnar hér framfrá, þá erum við ekki langt frá og gott er að hvíla sig á Brandsstöðum eftir góðan dag. Á Blönduósi og í Skagafirðinum eru söfn, veitingastaðir og ýmis afþreying er í boði. Fyrir göngufólk þá er gott að ganga upp á hálsinn hér fyrir ofan og skoða sig um.